Nicolo Zaniolo, leikmaður Roma, hefur vakið verðskuldaða athygli á þessu tímabili en hann er aðeins 19 ára gamall.
Zaniolo hefur skorað fimm mörk í 22 leikjum á tímabilinu og gæti fengið tækifæri í ítalska landsliðinu bráðlega.
Hann skoraði bæði mörk Roma í 2-1 sigri á Porto á dögunum en liðin áttust við í Meistaradeild Evrópu.
Móðir hans, Francesca Costa, er mikið á samskiptamiðlum en hún er með 173 þúsund fylgjendur á Instagram.
Costa birtir oft æsandi myndir af sjálfri sér og hefur Zaniolo fengið nóg af þeirri hegðun.
,,Hættu, mamma,“ skrifaði Zaniolo við eina mynd af móður sinni á Instagram og vill að hún fari að einbeita sér að öðru.
Costa er 41 árs gömul en hún hefur starfað sem fyrirsæta og þykir vera mjög falleg.