Angel Di Maria, kantmaður PSG snýr aftur á Old Trafford í kvöld þegar PSG heimsækir Manchester United í Meistaradeild Evrópu.
Um er að ræða fyrri leik liðanna í 16 liða úrslitum en ljóst er að Di Maria byrjar leikinn. Neymar og Edinson Cavani verða ekki með.
Það opnar dyr fyrir Di Maria til að láta til sína kveða á gamla heimavellinum. Di Maria kom til United árið 2014 frá Real Madrid, hann kostaði félagið meira en 60 milljónir punda.
Di Maria fann sig illa á vellinum og lífið utan vallar átti ekki við hann, einnig var brotist inn til hans og það var hann ekki sáttur með.
,,Ég var þarna bara í eitt ár, það var ekki mitt besta ár á ferlinum. Ég fékk ekki leyfi til að spila minn leik,“ sagði Di Maria.
,,Það voru vandamál með þjálfarann (Van GaaL), ég þakka guði fyrir að hafa komist til PSG og verið ég sjálfur aftur.“
