Geir Þorsteinsson og Guðni Bergsson eru á leið í baráttu, báðir sækjast eftir því að verða formaður KSÍ, þegar kosið verður á ársþingi sambandsins í byrjun febrúar.
Guðni er sitjandi formaður en Geir lét af störfum fyrir tveimur árum, hann hafði starfað sem formaður sambandsins í tíu ár.
Geir kynnti um framboð sitt á laugardag í kjölfarið en framboð hans kemur Guðna talsvert á óvart ef marka má Twitter færslu hans.
Meira:
Mikið af atkvæðum fyrir Guðna og Geir að sækja: Fleiri segjast ætla að kjósa Guðna
Geir var gerður að heiðursformanni KSÍ árið 2017 þegar Guðni náði kjöri.
,,Ekki átti ég nú von á að fara í formannsslag við heiðursformann sambandsins,“ skrifar Guðni á Twitter.
Guðni kveðst vera klár í baráttuna en segir að starfið síðustu tvö ár hafi verið gott.
,,Það hefur verið unnið gott starf hér innan KSÍ síðustu 2 árin. Höfum verið framsækin og kraftmikil – ég er til í baráttuna“
Ekki átti ég nú von á að fara í formannsslag við heiðursformann sambandsins. Það hefur verið unnið gott starf hér innan KSÍ síðustu 2 árin. Höfum verið framsækin og kraftmikil – ég er til í baráttuna #fotboltinet
— Guðni Bergsson (@gudnibergs) January 7, 2019