Zlatan Ibrahimovic, leikmaður LA Galaxy, hefur látið Cristiano Ronaldo, leikmann Juventus, heyra það.
Ronaldo samdi við Juventus í sumar en hann sagðist vera að taka við nýrri áskorun eftir mörg ár hjá Real Madrid.
Ronaldo skoraði svo á kollega sinn hjá Barcelona, Lionel Messi, að gera slíkt hið sama og reyna fyrir sér annars staðar.
Zlatan hlær að þessum ummælum Ronaldo og segir að það sé engin áskorun að semja við Juventus sem hefur lengi verið besta lið Ítalíu.
,,Cristiano er að tala um nýjar áskoranir, hann kallar það áskorun að fara til félags þar sem það er nú þegar eðlilegt að vinna deildina,“ sagði Zlatan.
,,Af hverju valdi hann ekki lið í annarri deild fyrir nokkrum árum? Að reyna að verða meistari þar og koma þeim í hæsta gæðaflokk, það er áskorun.“
,,Þetta er algjört kjaftæði, að fara til Juventus er engin áskorun.“