433Sport

,,Viss um að Aron Einar hafi horft grátandi á þennan leik“

Victor Pálsson
Laugardaginn 8. september 2018 18:10

Íslenska karlalandsliðið tapaði stórt í Þjóðadeildinni í dag er við mættum Sviss í fyrstu umferð.

Sviss hélt sýningu í heimalandinu í dag og vann öruggan og sannfærandi 6-0 sigur gegn mjög slöku íslensku liði.

Hér má sjá það góða og slæma úr leiknum.

Plús:

Hvað er jákvætt við þennan leik? Hann er búinn, það er það eina.

Það má alveg hrósa þeim svissnensku fyrir þeirra leik. Buðu upp á fallegan sóknarbolta og skoruðu sex mörk.

Mínus:

Ísland hefur ekki tapað eins stórt síðan 2001 er liðið spilaði við Dani í undankeppni HM. Þar höfðu Danir betur, 6-0.

Það eru margir leikmenn Íslands sem hafa aldrei spilað eins illa og í dag. Margir að eiga sinn versta landsleik frá upphafi.

Breytingar þurftu að eiga sér stað en þetta hefði aldrei gerst undir stjórn Heimis. Aldrei í lífinu.

Við fengum á okkur SEX mörk. Það er ekki í lagi. Þessi deild skiptir ekki mestu máli en ég er viss um að Aron Einar Gunnarsson hafi horft grátandi á þennan leik. Til skammar.

Við erum þekktir fyrir það að berjast og að gefast ekki upp. Það var gefist strax upp í dag, það nennti þessu enginn.

Það eru ekki bestu fréttir í heimi að næsti leikur sé gegn Belgum. Það er mun sterkara lið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 2 dögum

Plús og mínus úr landsleiknum – ,,Á það að kallast ásættanlegt?“

Plús og mínus úr landsleiknum – ,,Á það að kallast ásættanlegt?“
433Sport
Fyrir 2 dögum

Einkunnir Íslands gegn Belgíu – Kári bestur

Einkunnir Íslands gegn Belgíu – Kári bestur
433Sport
Fyrir 3 dögum

,,Hann gæti unnið skallaeinvígi við Frelsisstyttuna“ – Sjáðu ótrúlegan stökkkraft Van Dijk

,,Hann gæti unnið skallaeinvígi við Frelsisstyttuna“ – Sjáðu ótrúlegan stökkkraft Van Dijk
433Sport
Fyrir 3 dögum

Það sem Gerrard sagði við Rodgers eftir að hann heyrði af komu Balotelli

Það sem Gerrard sagði við Rodgers eftir að hann heyrði af komu Balotelli