Manchester United er úr leik í enska deildarbikarnum eftir leik við Derby County á Old Trafford.
United komst yfir snemma leiks með marki frá Juan Mata og var staðan 1-0 fyrir heimamönnum í hálfleik.
Harry Wilson, lánsmaður frá Liverpool, jafnaði hins vegar metin fyrir Derby í síðari hálfleik með stórkostlegu aukaspyrnumarki.
Ekki löngu síðar fékk Sergio Romero, markvörður United, að líta beint rautt spjald fyrir að snerta boltann með höndunum fyrir utan teig.
Derby var mun sterkari aðilinn eftir rauða spjaldið og skoraði annað mark á 87. mínútu leiksins er Jack Marriott skoraði með skalla eftir frákast.
Staðan var 2-1 þar til á 95. mínútu leiksins er varamaðurinn Marouane Fellaini tryggði United vítakeppni með skallamarki.
Í vítakeppninni hafði Derby að lokum betur og fer áfram í næstu umferð á kostnað United.
Jóhann Berg Guðmundsson og félagar í Burnley eru einnig úr leik eftir leik við smálið Burton.
Burton leikur í þriðju efstu deild og hafði betur 2-1. Jóhann lagði upp eina mark Burnley sem komst yfir í leiknum.
Manchester City var í engum vandræðum með lið Oxford og hafði betur örugglega með þremur mörkum gegn engu.
Það var boðið upp á dramatík er Bournemouth sló lið Blackburn út. Bournemouth hafði að lokum betur 3-2 með marki í uppbótartíma.
Leicester vann þá lið Wolves í vítakeppni, Crystal Palace lagði West Brom 3-0, Fulham sló Millwall úr leik, Norwich sigraði Wycombe 4-3 og Blackpool hafði betur gegn QPR, 2-0.
Hér má sjá helstu úrslit og markaskorara.
Manchester United 2-2 Derby (Derby áfram eftir vítakeppni)
1-0 Juan Mata
1-1 Harry Wilson
1-2 Jack Marriott
2-2 Marouane Fellaini
Burton 2-1 Burnley
0-1 Kevin Long
1-1 Liam Boyce
2-1 Jamie Allen
Oxford 0-3 Manchester City
0-1 Gabriel Jesus
0-2 Riyad Mahrez
0-3 Phil Foden
Wolves 0-1 Leicester(eftir vítakeppni)
Millwall 1-3 Fulham
0-1 Joe Bryan
0-2 Luca de la Torre
1-2 Tom Elliott
1-3 Cyrus Christie
Bournemouth 3-2 Blackburn
1-0 Junior Stanislas
2-0 Jordon Ibe(víti)
2-1 Craig Conway
2-2 Adam Armstrong(víti)
3-2 Callum Wilson
West Brom 0-3 Crystal Palace
0-1 Andros Townsend
0-2 Patrick van Aanholt
0-3 Andros Townsend