fbpx
Þriðjudagur 11.desember 2018
433Sport

Kallar eftir því að hausar fjúki hjá KSÍ – ,,Drullan er alveg upp á bak“

Hörður Snævar Jónsson
Föstudaginn 21. september 2018 13:07

KSÍ hefur dæmt Völsungi 0-3 sigur í leiknum sem átti að fara fram í fyrradag, Huginn og Völsungur mættu þá ekki á sama völlinn. Þetta kemur fram á vef KSÍ.

Leikurinn átti að vera endurtekinn klukkan 16:30 á miðvikudag en leikur liðanna sem var spilaður í ágúst var á dögunum gerður ógildur eftir dómaramistök.

Í tilkynningu KSÍ var greint frá því að leikurinn skildi fara fram á Seyðisfjarðarvelli, heimavelli Hugins.

Á miðvikudag ákvað KSÍ hins vegar að færa leikinn yfir á Fellavöll á Egilsstöðum eftir að hafa fengið skilaboð frá Seyðisfirði um að völlurinn þar væri óleikhæfur. Margir hafa beðið eftir niðurstöðu í þessu máli en á vef KSí var í gær staðfest að Völsungi hefði verið dæmdur 0-3 sigur.

Óvíst er hvernig málið mun þróast en ekki er ólíklegt að Huginn muni kæra þessa niðsturöðu.

KSÍ hefur verið gagnrýnt í þessu máli og var málið rætt í Dr. Football, hlaðvarpi sem Hjörvar Hafliðason stýrir.

,,Það munu aldrei hausar fjúka, menn verða bara að læra af þessu,“ sagði Kristján Óli Sigurðsson, sérfræðingur þáttarins.

Mikael Nikulásson sem var einnig í þættinum kallar eftir því að hausar fjúki hjá KSÍ og menn taki ábyrgð.

,,Að mínu viti á það að gerast, það þarf virkilega breytingar á KSÍ. Drullan er alveg upp á bak, hefur Guðni Bergsson eitthvað fylgst með þessu máli? Hann ætti að koma fram og tjá sig sem formaður sambandsins.“

,,Ef Huginn kærir þennan úrskurð, þá getur 2. deildin ekki klárast. Ef leikirnir fara þannig að Völsungur er uppi eftir umferðina, þá klárast deildin í fyrsta lagi í desember. Hugsa ég.“

Þátt dagsins hjá Dr. Football má heyra hér að neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 2 dögum

Sjáðu myndina: Heimir er mættur til Katar – Er að taka við liði

Sjáðu myndina: Heimir er mættur til Katar – Er að taka við liði
433Sport
Fyrir 2 dögum

Þorvaldur nálægt því að komast til Manchester – Tók heimskulega ákvörðun

Þorvaldur nálægt því að komast til Manchester – Tók heimskulega ákvörðun
433Sport
Fyrir 3 dögum

Chelsea fyrsta liðið til að sigra Manchester City – Liverpool á toppnum

Chelsea fyrsta liðið til að sigra Manchester City – Liverpool á toppnum
433Sport
Fyrir 3 dögum

Manchester United skoraði fjögur – Torreira hetjan á Emirates

Manchester United skoraði fjögur – Torreira hetjan á Emirates