Zlatan Ibrahimovic, leikmaður LA Galaxy, var ráðlagt að leggja skóna á hilluna eftir að hafa meiðst illa á apríl á síðasta ári.

Zlatan var þá 35 ára gamall og spilaði með Manchester United en hann sleit krossband í leik gegn Anderlecht.

Zlatan var lengi frá vegna meiðslanna og voru margir á því máli að ferillinn væri kominn á endastöð.

Framherjinn gekk þó í raðir Galaxy fyrr á þessu ári og hefur verið frábær í Bandaríkjunum síðan þá.

Zlatan birti athyglisverða færslu á Twitter í gær þar sem hann sýndi mynd af hnénu á sér eftir aðgerð á síðasta ári.

,,Þau sögðu að þetta væri búið, ég sagði NEI,“ skrifaði Zlatan við myndina sem má sjá hér.

They said it was over. I said NO pic.twitter.com/6RqSB4zyHL

— Zlatan Ibrahimović (@Ibra_official) 2 August 2018