Það var boðið upp á veislu í Grindavík í kvöld er heimamenn fengu Stjörnuna í heimsókn.
Grindavík komst yfir í dag með marki á 40. mínútu en Aron Jóhannsson gerði þar eina mark fyrri hálfleiks.
Snemma í þeim síðari jöfnuðu Stjörnumenn er Hilmar Árni Halldórsson átti þrumuskot úr aukaspyrnu sem fór í stöngina og í bakið á Kristijan Jajalo og í netið.
Guðjón Baldvinsson virtist svo vera að tryggja Stjörnunni sigur á 86. mínútu leiksins er hann skoraði eftir laglega skyndisókn.
Bandaríkjamaðurinn Will Daniels var hins vegar á öðru máli og jafnaði metin fyrir Grindavík í uppbótartíma og lokastaðan, 2-2.
Fylkir og FH áttust við á sama tíma á Floridana vellinum en þeim leik lauk með 1-1 jafntefli.
Cedric D’Ulivo kom FH yfir á 32. mínútu leiksins í kvöld áður en Valdimar Þór Ingimundarson jafnaði metin fyrir Fylki snemma í síðari hálfleik.
Grindavík 2-2 Stjarnan
1-0 Aron Jóhannsson(40′)
1-1 Kristijan Jajalo(sjálfsmark, 57′)
1-2 Guðjón Baldvinsson(86′)
2-2 William Daniels(90′)
Fylkir 1-1 FH
0-1 Cedric D’Ulivo(32′)
1-1 Valdimar Þór Ingimundarson(47′)