Lið Torpedo Moscow í Rússlandi hefur hætt við að kaupa varnarmanninn Erving Botaka-Yoboma.
Botaka-Yoboma er svartur á hörund, eitthvað sem stuðningsmönnum Torpedo líkar alls ekki við.
Eftir að tilkynnt var um komu leikmannsins urðu stuðningsmenn æfir og mótmæltu þessum kaupum harkalega.
,,Það eru aðeins hvítir menn í okkar stuðningsmannahóp,“ var hluti af því sem stuðningsmannahópurinn Zapad-5 Ultras hafði að segja.
Kaupin voru nánast gengin í gegn er félagið fékk þessi skilaboð frá stuðningsmönnum félagsins og hefur nú verið hætt við skipti leikmannsins.
Í tilkynningu Torpedo kemur fram að hætt hafi verið við vegna upphæða sem félagið þyrfti að borga hans fyrrum félagi, Lokomotiv-Kazanka Moscow.
Þessi 19 ára gamli strákur hefur fengið ljót skilaboð eftir að tilkynnt var um skipti hans en hann er fæddur og uppalinn í Rússlandi.