Raphael Varane, leikmaður Real Madrid, hefur svarað þeim sem segja hann vera of ‘vingjarnlegan’ á velli.
Varane er mjög ólíkur til að mynda félaga sínum í hjarta varnar Real Madrid, Sergio Ramos sem er talinn afar grófur leikmaður.
Varane segir að fólk sé alltaf að biðja um að hann breyti því hver hann er og það fer í taugarnar á Frakkanum.
,,Síðan ég var sjö ára gamall hefur mér verið sagt að ég sé svo vingjarnlegur. Já ég get verið það en það er ekki það sem ég er,“ sagði Varane.
,,Þú getur ekki átt eins feril og ég hef átt hjá Real Madrid í sjö ár án þess að vera með sterkan karakter.“
,,Ég var stundum beðinn um að spila eins og Sergio Ramos, að vera aggressívari og að vera meira af hinu og þessu.“
,,Ég er með minn eigin leikstíl og það hefur ekki komið niður á mér til þessa. Fólk vill að ég breytist og það pirrar mig.“