Harry Kane er markahæsti leikmaður HM í Rússlandi en hann hefur gert sex mörk til þessa í mótinu.
Kane átti þó ekki góðan leik gegn Svíum í 8-liða úrslitum en það kom ekki að sök því Englendingar höfðu betur.
Jermaine Jenas, fyrrum landsliðsmaður, heimtar að sjá meira frá Kane í kvöld er liðið mætir Króatíu í undanúrslitum.
,,Mál sem er ekki talað um er frammistaða hans gegn Svíþjóð þar sem hann gerði ekkert. Þetta var hans versti landsleikur,“ sagði Jenas.
,,Hann var hvergi sjáanlegur í þessum leik. Harry leit út fyrir að vera mjög þreyttur og orkulaus.“
,,Við erum enn að bíða eftir stóru frammistöðunni sem hann getur boðið upp á.“