Valsmenn þurfa að eiga glimrandi leik í kvöld er liðið mætir stórliði Rosenborg í undankeppni Meistaradeildarinnar.
Það má búast við góðri mætingu er liðin eigast við á Origo-vellinum í kvöld en Rosenborg er stærsta félag Noregs.
Einar Karl Ingvarsson, leikmaður Vals, hefur fulla trú á verkefni kvöldsins og vonar að stemningin verði í hámarki á Hlíðarenda.
,,Þetta er stærsta deild í heimi, þetta er stóra sviðið. Ég held að það sé skemmtilegast að spila þessa leiki gegn erlendu liði og svo fara út á þeirra heimavöll og spila úti. Þetta eru mjög mikilvægir leikir fyrir okkur,“ sagði Einar.
,,Þetta er eins og hver annar leikur þess vegna þó að þetta sé aðeins öðruvísi. Við nálgumst þetta eins og hver annan leik.“
,,Það skiptir öllu máli að við fáum fulla stúku og fullan stuðning og að stuðningsmenn hafi trú á okkur eins og við höfum trú á okkur sjálfum.“