fbpx
Þriðjudagur 19.febrúar 2019
433Sport

Íslendingar, ekki hengja haus: Ekki hneyksli að tapa 2-0 fyrir Nígeríu, en það er annað sem þið ættuð að vera hneykslaðir á

Einar Þór Sigurðsson
Laugardaginn 23. júní 2018 20:01

during the 2018 FIFA World Cup Russia group D match between Nigeria and Iceland at Volgograd Arena on June 22, 2018 in Volgograd, Russia.

Ekki missa af Helstu tíðindum dagsins í pósthólfið þitt

Lesa nánar

„Ísland er ekki úr leik á heimsmeistaramótinu. Enn þá. Ísland er með jafn mörg stig og Argentína – Argentína, hvorki meira né minna – í D-riðli og fyrir ofan þá á markatölu. Það er ekki hneyksli fyrir Ísland að hafa tapað 2-0 fyrir Nígeríu. Ísland er enn lið sem aðrar litlar þjóðir geta tekið til fyrirmyndar og jafnvel stórþjóðirnar geta lært helling af því sem Íslendingar hafa gert á síðustu átta árum.“

Svona hefst hvatningarpistill blaðamannsins John Doyle sem skrifar fyrir Globe and Mail í Kanada. Globe and Mail er útbreitt dagblað í Kanada og eru lesendur þess um tvær milljónir talsins.

Í pistli sínum fer Doyle yfir leikinn gegn Nígeríu í gær, hvað fór úrskeiðis og hvernig nígeríska liðinu tókst að stöðva það íslenska. Augljóst er að Doyle þekkir leikinn býsna vel og fer hann vel yfir það sem varð til þess að Nígería náði yfirhöndinni í síðari hálfleik.

Eins og Doyle bendir á í grein sinni er það ekki hneyksli fyrir Ísland að tapa fyrir Nígeríu á heimsmeistaramótinu. Hann minnir á að Íslendingar séu bara um 350 þúsund en til samanburðar er Nígería sjöunda fjölmennasta ríki heims með tæplega 200 milljónir íbúa.

Doyle segir að það sé þó eitt sem Íslendingar ættu að vera hneykslaðir á. „Það er þessi umræða um að líta á árangur Íslands sem einhverskonar ævintýri, að hér sé ævintýralið frá ógnarsmáu ríki á ferð sem nær miklu betri árangri en efni standa til.“

Doyle bendir á að íslenska landsliðið sé ekki á heimsmeistaramótinu af hreinni tilviljun, árangurinn tali sínu máli og hann sé engum tilviljunum háður. „Það sem Íslendingar vita og hafa komist að er að þú þarft ekki alltaf að hafa boltann meirihluta leiksins til að vinna leikina.“ Doyle fer svo yfir leikskipulag Íslands, hvernig það er byggt upp á öguðum og mjög skipulögðum varnarleik en einnig skipulögðum sóknarleik þar sem við getum komið andstæðingnum á óvart.

Doyle segir svo að Ísland þurfi að vinna Króatíu og vonast til þess að Nígería vinni ekki Argentínu til að komast áfram. Ef Nígería gerir jafntefli þurfi Ísland að vinna með minnst tveimur mörkum til að komast áfram. Það geti enn margt gerst í þessu flókna púsli en hvað varðar árangur Íslands til þessa sé ekkert flókið.

„Ísland hefur helgað sig fótboltanum á síðustu árum,“ segir Doyle sem bætir við að efnahagshrunið 2008 hafi ef til vill hjálpað okkur að ná betri árangri. „Peningum var varið í það að bæta menntun þjálfara og nú er svo komið að það eru fleiri hámenntaðir knattspyrnuþjálfarar á Íslandi en í flestum fótboltastórveldum. Þeir eyddu líka peningunum í að byggja knattspyrnuhallir svo iðkendur gætu spilað inni allt árið um kring. Ísland missti naumlega af sæti á HM 2014, komst auðveldlega á EM 2016 þar sem það stóð sig vel og komst aftur auðveldlega á HM 2018. Ísland gerði það með góðri taktík, aga og samvinnu. Það er kominn tími til að Ísland fái það hrós sem það á skilið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Danski brjálæðingurinn fékk kast á æfingu og Ronaldo missti tönn

Danski brjálæðingurinn fékk kast á æfingu og Ronaldo missti tönn
433Sport
Í gær

Umdeildasta atvik í sögu VAR? – Þetta gerðist á Ítalíu í dag

Umdeildasta atvik í sögu VAR? – Þetta gerðist á Ítalíu í dag
433Sport
Í gær

Reyndu að gera lítið úr einstöku afreki Arnars: ,,Nei, þetta var frábær árangur og ég er stoltur af honum“

Reyndu að gera lítið úr einstöku afreki Arnars: ,,Nei, þetta var frábær árangur og ég er stoltur af honum“
433Sport
Í gær

Segir Bale að sýna virðingu – Hefur ekki gert þetta í sex ár

Segir Bale að sýna virðingu – Hefur ekki gert þetta í sex ár
433Sport
Fyrir 2 dögum

Fyrrum framkvæmdarstjóri KSÍ gagnrýnir Söru Björk: ,,Helst var það óhróður gagnvart Geir“

Fyrrum framkvæmdarstjóri KSÍ gagnrýnir Söru Björk: ,,Helst var það óhróður gagnvart Geir“
433Sport
Fyrir 2 dögum

Var einn efnilegasti leikmaður Englands en segist vera fórnarlamb: ,,Getið ímyndað ykkur hvað hefði gerst“

Var einn efnilegasti leikmaður Englands en segist vera fórnarlamb: ,,Getið ímyndað ykkur hvað hefði gerst“
433Sport
Fyrir 3 dögum

Guðlaugur Victor fékk refsingu fyrir að brjóta á Rúrik

Guðlaugur Victor fékk refsingu fyrir að brjóta á Rúrik
433Sport
Fyrir 3 dögum

90 mínútur með Arnari Gunnlaugssyni: Tvíburi, barnastjarna, mögnuð afrek og hroki

90 mínútur með Arnari Gunnlaugssyni: Tvíburi, barnastjarna, mögnuð afrek og hroki