John Obi Mikel, fyrirliði Nígeríu, er brjálaður út í Zlatko Dalic, landsliðsþjálfara Króatíu þessa stundina.
Dalic greindi frá því í gær að hann myndi hvíla leikmenn í lokaleik riðlakeppninnar gegn Íslandi en Króatar eru komnir áfram.
Mikel spilaði með Nígeríu í 2-0 sigri á Íslandi í dag og er hann langt frá því að vera sáttur.
,,Ég tel að það sé ekki það besta í stöðunni fyrir þá. Þetta er risastórt mót, þú getur ekki hvílt leikmenn og gefið öðrum liðum möguleika á að komast áfram,“ sagði Mikel.
,,Þeir ættu að haga sér eins og atvinnumenn og nota sitt besta lið. Þetta er risastórt svið og þú mátt ekki við því að hjálpa öðrum liðum.“