Leikur Íslands og Nígeríu fer fram í Volgograd í dag og hefst hann klukkan 15 að íslenskum tíma, 18 að staðartíma. Það er óhætt að segja að spennan fari vaxandi með hverri mínútunni sem líður.
Hörður Snævar Jónsson, ritstjóri 433.is og Einar Þór Sigurðsson, aðstoðarritstjóri DV, eru staddir í Volgograd og þeir fóru yfir leikinn gegn Nígeríu í dag í HM-stofunni í Volgograd í morgun.
Meðal þess sem þeir ræða er hvort jafntefli gegn Nígeríu séu hugsanlega bestu úrslitin fyrir Ísland, hvaða leikmaður kemur inn í liðið fyrir Jóhann Berg Guðmundsson og hvort Heimir muni hugsanlega breyta um leikkerfi frá leiknum gegn Argentínu. Þá ræða þeir hvort Björn Bergmann sé hugsanlega kominn framar í goggunarröðina en Jón Daði Böðvarsson, hitann í Volgograd og fleira til. Spjallið má sjá í spilaranum hér að neðan.