Hörður Snævar Jónsson skrifar frá Rússlandi:
Jóhann Berg Guðmundsson kantmaður íslenska landsliðsins tók ekki þátt í upphitun íslenska liðsins í dag.
Íslenska liðið æfir á keppnisvellinum í Volgograd þar sem liðið mætir Nígeríu á morgun.
Jóhann meiddist í leiknum gegn Argentínu og miðað við að hann hafi ekkert æft síðan er afar hæpið að hann spili á morgun.
Heimir Hallgrímsson mun sitja fyrir svörum klukkan 10:15 á íslenskum tíma og svara því hvort Jóhann spili eða ekki.
Talið er að Ari Freyr Skúlason eða Rúrik Gíslason taki stöðu Jóhanns sem er fastamaður.
