Hörður Snævar Jónsson skrifar frá Rússlandi:
Hannes Þór Halldórsson markvörður íslenska landsliðsins er vinsæll á meðal erlendra fréttamanna.
Margir eru hugsi yfir því hvernig maður sem hefur unnið svo lengi við kvikmyndagerð sé á HM.
Hannes er afar fær í því að gera myndbönd og auglýsingar og gerði meðal annars auglýsingu Coca Cola fyrir HM núna.
Árið 2012 gerði Hannes, Eurovison myndband Íslands við lagið Never forget með Grétu Salome og Jónsa.
Þetta finnst CNN merkileg staðreynd. ,,Þangað til ég var 29 ára þá vann ég við kvikmyndagerð með fótboltanum,“ sagði Hannes við CNN.
,,Ég hef haldið tengslum mínum við kvikmyndabransann, ég klippi stundum eitthvað. Fótbolti og myndir gefa mér sömu gleði.“