Hörður Snævar Jónsson skrifar frá Rússlandi:

Alfreð Finnbogason framherji íslenska landsliðsins bullaði bara eitthvað á spænsku eftir mark sitt gegn Argentínu.

Alfreð hljóp að myndvavél á vellinum og öskraði eitthvað í hana, það kom hins vegar ekkert af viti.

Framherjinn fór upp að vélinni og öskraði í hana og það á spænsku.

,,Ég get ekki svarað því hvað ég sagði, ég bullaði bara eitthvað á spænsku. Það var með engu samhengi, þetta var í hita leiksins,“ sagði Alfreð.

,,Myndavélin beið mín bara þarna og mér fannst ég þurfa að segja eitthvað. Það kom ekkert af viti.“