Gylfi Þór Sigurðsson æfði ekki með íslenska liðið í Gelendzhik í dag heldur skokkaði hann um æfingavöllinn með Friðrik Ellert Jónssyni sjúkraþjálfara.
Þetta kemur fram í Twitter-færslu RÚV en engin svör hafa borist um það hvort Gylfi sé meiddur, hvort um varúðarráðstöfun sé að ræða eða hvort hann sé enn stífur eftir leikinn gegn Argentínu um helgina.
Gylfi Þór meiddist í leik með Everton fyrir skemmstu en hann hefur spilað síðustu þrjá leiki íslenska liðsins og virkað í frábæru formi. Hljóp til dæmis enginn meira en Gylfi í 1-1 jafnteflinu gegn Argentínu á laugardag. Vonandi verður Gylfi 100% heill fyrir leikinn gegn Nígeríu sem fram fer í Volgograd á föstudag. Íslenska liðið æfir í fyrramámið í Gelendzhik og heldur svo til Volgograd í eftirmiðdaginn.
Gylfi er ekki að æfa með hinum í dag heldur í séræfingum með Frikka sjúkraþjálfara. Það þýðir vonandi ekkert slæmt… ? #hmruv pic.twitter.com/NeITMAIqZs
— RÚV Íþróttir (@ruvithrottir) June 19, 2018
