Það er gott að eiga góða að og Hannes Þór Halldórsson, markvörður íslenska landsliðsins í fótbolta, á svo sannarlega vini sem standa við bakið á honum. Hannes komst að því í gær þegar vinur hans, Baldur Kristjánsson, mætti í markvarðarbúningi íslenska landsliðsins á leikinn við Argentínu.
Baldur var ekki bara í treyjunni, stuttbuxunum og í sokkunum heldur var hann einnig með markmannshanska á höndunum – alveg eins og Hannes. Má því raun segja að hann hafi mætt í gervi besta vinar síns á völlinn. Meðfylgjandi færslu birti Baldur á Twitter og er óhætt að segja að Hannes hafi verið sáttur við sinn mann í leikslok.
Before/during/after #FullKitWanker pic.twitter.com/7FtIbboAr0
— Baldur Kristjáns (@BaldurKristjans) June 17, 2018