Strákarnir okkar hefja leik á Heimsmeistaramótinu á laugardag þegar liðið mætir Argentínu. Vel fer um strákana okkar sem komu til Rússlands á laugardag og er öll umgjörð fyrsta flokks.

Við komuna til Rússlands fór liðið í myndatöku hjá FIFA og þar virðist Ólafur Ingi Skúlason hafa stolið senunni.

Myndir af Ólafi hafa farið víða um netið þar sem hann var að gretta sig en Ólafur átti ekki alveg von á því.

Meira:
Fiðrildin fara að myndast þegar við ferðumst til Moskvu

Þá hefur mottan sem Ólafur skartar vakið athygli og fer hún ekki af fyrr en eftir HM.

,,Ég hugsa að skeggið fari af eftir HM, ég held að það sé ljóst,“ sagði Ólafur en svona lýsir hann keggi sínu.

,,Þetta er hálfgert klámmyndaskegg, þetta er ekkert mjög fallegt. Það er gaman af því.“

,,Ætli maður verði ekki hálf fúll eftir nokkur ár þegar maður horfir til baka og horfir á myndir, og alltaf er með hormottu framan á sér. Maður tekur það á sig.“