Mohamed Salah þurfti að yfirgefa völlinn í kvöld í úrslitaleik Meistaradeildar Evrópu í Úkraínu.

Salah hefur verið besti leikmaður Liverpool á tímabilinu en entist í aðeins hálftíma í leik kvöldsins.

Salah féll í grasið eftir baráttu við Sergio Ramos og gat ekki haldið áfram keppni vegna meiðslanna.

Salah stóð upp og hélt áfram í fyrstu en var sárkvalinn og gat á endanum ekki spilað. Adam Lallana leysti hann af hólmi.

Óvíst er hversu alvarleg meiðsli Salah eru en möguleiki er á því að hann verði ekki klár fyrir HM í sumar með Egyptalandi.

Talað er um að Salah hafi annað hvort tognað á axlarlið eða mögulega brotið viðbein.