Zinedine Zidane, stjóri Real Madrid greindi frá því um helgina að Real Madrid myndi ekki standa heiðursvörð fyrir Barcelona ef liðið verður orðið Spánarmeistari þann 5. maí næstkomandi.
Barcelona tekur á móti Real Madrid í El Clasico þann 5. maí næstkomandi og eru góðar líkur á því að Börsungar verði búnir að tryggja sér sigur í deildinni þegar kemur að leiknum.
Barcelona situr á toppi spænsku deildarinnar með 79 stig og hefur 11 stiga forskot á Atletico Madrid þegar sjö leikir eru eftir af tímabilinu.
Eins og áður sagði útilokaði Zidande að Real Madrid myndi standa heiðursvörð fyrir Börsunga og var Gerard Pique, varnarmaður Barcelona spurður út í ummæli stjórans um helgina.
„Ég mun eiga erfitt með svefn eftir þessar fréttir,“ sagði Pique léttur.