Þorvaldur Örlygsson átti magnaðan feril sem leikmaður og nú sem þjálfari, hann var gestur í 90 mínútum, hlaðvarpsþætti 433.is.
Þorvaldur rekur þar sögu sína í fótboltanum en einn af merkilegri tímunum á hans ferli var hjá Nottingham Forest frá 1989 til 1993.
Þorvaldur varð Íslandsmeistari með KA árið 1989 og hafði áttað sig á því að hann gæti orðið atvinnumaður.
,,Takmarkið var alltaf að reyna að koma sér erlendis, þetta voru erfiðir gluggar. ,Ég sá fyrir mér að þetta væri eitthvað sem ég ætti að reyna að stefna,“ sagði Þorvaldur í þættinum.
Þorvaldur rifjar það upp þegar áhugi Nottingham, sem var stórveldi í enskum fótbolta kom upp.
,,Um haustið 88 og veturinn þar á eftir, þá voru þreifingar um að ég færi til Nottingham á reynslu í janúar 90, ég taldi það ekki gott þar ég var ekki í góðu standi. Guðjón Þórðarson og fleiri höfðu hjálpað til við það.“
Þorvaldur ætlaði að kíkja til félagsins fyrir tímabilið 89 en hið hræðilega slys á Hillsborough kom í veg fyrir það. 96 stuðningsmenn Liverpool létust á leiknum og var því frestað að Þorvaldur færi út.
,,Mér var boðið afur til æfinga vorið 89, þá vill svo til að slæmt slys verður í Sheffield. Það var undanúrslitaleikur þar sem Liverpool og Forest áttust við, Hillsborough slysið. Ég átti að vera kominn til þeira eftir þann leik, það frestaðist. Við héldum sambandi.“
,,Um mitt sumarið er frí vika, áttu að vera landsleikir en ég var ekki valinn. Ég ákvað að stökka til Nottingham og gá hvort það væri möguleiki.“
Þar stóð Þorvaldur sig frábærlega og var keyptur á 175 þúsund pund, á núvirði eru það 333 þúsund pund en slíkar upphæðist sjást aldrei í dag þegar íslenskir leikmenn fara frá liðum hér heima.
Viðtalið má heyra í heild hér að neðan.