Að velja besta landslið allra tíma getur verið flókið og aldrei verða allir sammála um slíkt.

Guðmundur Benediktsson, gefur út bók þessi jólin og þar velur hann meðal annars besta íslenska karlalandslið allra tíma. Liðið sem Guðmundur stillir upp er skemmtilegt en þar vantar líka marga frábæra leikmenn, enda erfitt að koma öllum fyrir þegar aðeins 11 pláss eru í liðinu.

Við fengum nokkra öfluga einstaklinga til að stilla upp sínu besta landslið. Liðin litast því af þeirri staðreynd að menn eru fæddir á mismunandi aldri og sumir tóku þá ákvörðun að velja aðeins leikmenn sem þeir fylgdust með.

Hörður Snævar Jónsson, ritstjóri okkar á 433.is fékk það verkefni að velja sitt lið. Það má sjá hér að neðan.

Meira:
Besta íslenska landslið allra tíma: Magnús Már velur sitt lið – ,,Grjótharðir miðverðir“
Besta íslenska landslið allra tíma: Tómas Þór velur sitt lið – ,,Besti varnarmaður besta íslenska landsliðs sögunnar er sjálfvalinn“
Besta íslenska landslið allra tíma: Hörður Magnússon velur sitt lið – ,,Ásgeir að mínu mati sá besti sem við höfum átt“
Gummi Ben velur besta landslið allra tíma: Stjörnur eru í frystinum – Fimm í liðinu í dag

Hörður Snævar Jónsson – Ritstóri 433.is
Fæðingarár – 1990
Ég ákvað að stilla upp í 3-4-3 kerfi sem landsliðið notar ekki mikið. Með því kerfi náði ég að koma inn flestum af þeim leikmönnum sem ég hef séð með landsliðinu, og taldi eiga heima í svona liði. Ég horfði aðeins í frammistöðu með landsliðinu og þar sem ég er fæddur árið 1990 get ég ekki dæmt um það sem var í gangi áður. Ásgeir Sigurvinsson, Arnór Guðjohnsen og fleiri komu ekki til greina hjá mér en ættu líklega heima í svona liði. Tveir leikmenn koma frá gamla tímanum, þar sem lítið gekk með landsliðinu. Leikmenn sem stóðu alltaf fyrir sínu. Það sem vafðist mest fyrir mér var hvort ég ætti að hafa Birkir Bjarnason eða Alfreð Finnbogason í liðinu. Að lokum valdi ég Alfreð því hans framlag, þegar hann hefur fengið stórt hlutverk, hefur reynst liðinu ómetanlegt. Þessi sóknarlína skorar að lágmarki þrjú mörk í leik.

Hannes Þór Halldórsson

Guðni Bergsson – Ragnar Sigurðsson – Kári Árnason

Jóhann Berg Guðmundsson – Gylfi Þór Sigurðsson – Aron Einar Gunnarsson – Rúnar Kristinsson

Alfreð Finnbogason – Kolbeinn Sigþórsson – Eiður Smári Guðjohnsen