Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er Þorvaldur Örlygsson þjálfari U19 ára landsliðs karla.

Þorvaldur hefur átt áhugaverðan feril, fyrst sem leikmaður og þjálfari.

Þorvaldur samdi við Stoke City árið 1993 en hann hafði fyrir það spilað með Nottingham Foreest í fjögur ár.

Lou Macari var þjálfari Stoke á þeim tíma og hann var allt önnur týpa en Brian Clough sem þjálfaði Þorvald hjá Forest.

Macari var frábær leikmaður á sínum tíma og spilaði í níu ár með aðalliði Manchester United frá 1973 til 1984.

Þorvaldur segir að það hafi verið mikill munur á þessum félögum og talar ekki of vel um þjálfarahæfileika Macari.

,,Það var ekkert sem pirraði mig. Þú þarft bara að byrja á því að koma þér inn í liðið og koma þér af stað,“ sagði Þorvaldur.

,,Það var öðruvísi taktíklega séð og þessi kúltúr hvað það varðar, það var svakalega mikill munur á umgjörðinni.“

,,Brian Clough var langt á undan sinni samtíð hvað hann gerði vel við leikmenn. Í öllu hvað varðar aðstöðu, ferðalögum og annað því líkt.“

,,Það er eins gott og maður sér í dag. Hvað varðar hótel, mat og hvernig er best að ferðast. Hann setti mikið í það.“

,,Þegar maður kom til Stoke þá sá maður muninn og Lou Macari þjálfari þá hugsaði lítið um leikmenn og hugsaði lítið um plan á æfingum.“

,,Lou Macari var ekki slæmur maður en ekkert rosalega góður þjálfari. Hann var ekki dugleg týpa.“

,,Hann var ekki mikið í því að confronta leikmenn eða tala við leikmenn. Hann gerði vel fyrir Stoke og náði í úrslit þar og var rosalega vel liðinn af aðdáendum Stoke.“

,,Stoke á mjög traustan fan-base en þeir eru mjög fljótir snúast gagnvart allt og öllum ef það er ekki eftir þeirra höfði.“

,,Það var gaman að ná úrslitum en hjá Forest voru æfingarnar mikið bolti og taktík og öðruvísi æfingar og alltaf bolti.“

,,Hjá Lou Macari voru hlaup dauðans. Á hverjum einasta mánudegi var 12 mínútna hlaup. Það var oft þreytt um páskana.“