Það er komið á hreint hvernig leikjaplan íslenska landsliðsins er fyrir undankeppni EM sem hefst í mars.

Dregið var í riðla í dag en Ísland er í H-riðli og mun mæta heimsmeisturum Frakklands í tvígang.

Fyrri leikurinn gegn Frökkum er þann 25. mars næstkomandi og fer hann fram ytra. Síðari leikurinn er hér heima þann 11. október.

Ísland hefur keppni þann 22. mars en þá heimsækir liðið Andorra og mun vilja sækja þrjú stig þar.

Ísland mætir svo einnig Tyrklandi, Albaníu og Moldavíu. Ekki er leikið á Laugardalsvelli í nóvember.

Hér má sjá hvernig leikir Íslands eru á næsta ári.

22. mars – í Andorra

25. mars – í Frakklandi

8. júní – gegn Albaníu á Laugardalsvelli

11. júní – gegn Tyrklandi á Laugardalsvelli

7. september – gegn Moldóvu á Laugardalsvelli

10. september – í Albaníu

11. október – gegn Frakklandi á Laugardalsvelli

14. október – gegn Andorra á Laugardalsvelli

14. nóvember – í Tyrklandi

17. nóvember – í Moldóvu