,,Geri bakið breitt áður en ég hendi þessu út…. En er Siggi Jóns ekki ofmetnasti fótboltamaður Íslands? Hver toppar?,“ svona hljóðar pæling sem Elvar Geir Magnússon, ristjóri Fótbolta.net setti á Twitter í gær.
Pælinguna setur hann fram og birtir mynd af ferlinum sem Sigurður Jónsson knattspyrnumaður frá Akranesi átti. Oftar en ekki er talað um Sigurð sem einn besta knattspyrnumann í sögu Íslands. Þegar tíu bestu leikmenn í sögu fótboltans á Íslandi voru valdir þá var Sigurður einn af þeim, það var valið áður en íslenska landsliðið átti sín í bestu ár.
Heitar umræður sköpuðust þessa ummæli Elvars og voru flestir með skoðun á málinu. ,,Elvar mig langar að rassskella þig. Svakaleg sprengja. Englandsmeistarar Arsenal keyptu hann 1989 og hann var hugsaður í stórt hlutverk þar. Skoðaðu winning recordið hans á Íslandi,“ segir Hjörvar og birtir mynd af ferli Sigurðar á Íslandi.
Hjörvar hélt svo áfram. ,,Hann er frumkvöðull. Fyrsti Íslendingurinn til að spila í efstu deild á Englandi(jú Albert spilaði einn eða tvo leiki með slöku Arsenal liði). Fyrstur til að skora á Englandi. Það var viðbjóðslega erfitt að komast að sem útlendingur hjá ensku liði, segir töluvert um gæði hans.“
Sigurður Mikael Jónsson, blaðamaður og harður Skagamaður tók þátt í umræðunni. ,,Ég er rosalega feginn að dr. Football sé hérna til að jarða þessa umræðu af yfirvegun fyrir okkur sem náum ekki andanum núna,“ sagði Sigurður en Hjörvar hrósaði Elvari.
,,Ég dáist samt af Elvari að þora. Ég á nokkur funheit sport take sem ég fer ekki með á The Twitter.“
Logi Geirsson handboltakappi tók þátt í umræðunni og sagði. ,,Elvar ekkert bak þolir þessa pælingu.“
Stórkostlegur leikmaður sem náði ekki jafn langt og ella vegna meiðsla. Lýsandi að í stuðningsmannablaði Arsenal var skopmynd þar sem átti að skipta Sigga inn á en hann meiddist áður en hann komst yfir hliðarlínuna.
— Brynjólfur Þór Guðm. (@BrynThor) November 14, 2018
Getan var til staðar,en með nútíma sálfræðihjálp og opinberun á andlegum erfiðleikum hefði hann orðið enn betri…
— Aðalsteinn Tryggva (@AdalsteinnTr) November 13, 2018
Siggi er gífurlega mikils metin í Sheffield enn í dag. Frekar vanmetinn í umræðunni hér heima en hitt. Topp 5 á mínum lista yfir bestu leikmenn Íslands. Ríkharður, Þórólfur og Albert ekki á lista hjá mér, sá þá ekki spila.
— Hafþór Hafliðason (@haddisportic) November 13, 2018
Má vel vera, veit ekki hver er að ofmeta hann en jú hann fer allavega í flokk þeirra sem náðu kannski ekki alveg eins langt og efni stóðu til snemma á ferlinum. Þá út af meiðslum og öðru. Fyrsti landsleikur 16 ára og Englandsmeistari 23 ára. Toppaði snemma.
— Ari Erlingsson (@AriErlingsson) November 13, 2018