Það var ýmislegt brallað þegar Auðunn Blöndal og Sverrir Þór Sverrisson voru í sjónvarpinu á hverjum degi.

Í þætti þeirra eitt skiptið kom Aron Einar Gunnarsson, landsliðsmaður og fyrirliði liðsins í dag.

Aron er þekktur fyrir að geta kastað boltanum úr innkasti afar fast og langt.

Auðunn mætti á Laugardalsvöllinn og lét Aron taka innkast af fullum krafti í sig, til að gera hlutina verri var Auðunn Blöndal ber að ofan.

Aron þrusaði að öllu afli með þeim afleiðingum að Auðunn féll í grasið og sjá mátti að sársaukinn var mikill.

Þetta atvik var rifjað upp á samfélagsmiðlum í dag og hefur vakið mikla athygli.

???????? pic.twitter.com/2D9CtU6fAa

— Eirikur Raphael Elvy (@EikiRapha) October 16, 2018