Peter Crouch, leikmaður Stoke City á Englandi, er mikill húmoristi og er reglulega fyndinn á samskiptamiðlum.
Crouch birti skemmtilega færslu á Twitter síðu sína í kvöld en hann er nýbúinn að sjá kvikmyndina A Star is Born.
Þau Bradley Cooper og Lady Gaga fara með aðalhlutverk í myndinni sem hefur fengið frábæra dóma.
Lady Gaga hefur síðustu ár vakið athygli fyrir klæðnað sinn en í þetta skiptið hlýtur Crouch að fá hrósið.
Söngkonan má þakka Crouch fyrir þessi jakkaföt eins og hann grínast með á Twitter en hann segist hafa lánað henni fötin fyrir frumsýninguna.
,,A Star is Born er ein besta kvikmynd sem ég hef séð í langan tíma. Ég fýla hana svo mikið að ég lánaði Lady Gaga jakkafötin mín,“ skrifaði Crouch.
Crouch er yfir tveir metrar á hæð og eins og má sjá hér fyrir neðan lítur út fyrir að Gaga sé í allt of stórum fötum en svona er víst tískan í dag.
A star is born is one of the best films I have seen for such a long time.
So much so I lent @ladygaga one of my suits pic.twitter.com/NWhPSFOPht— Peter Crouch (@petercrouch) 16 October 2018