Stuðningsmenn íslenska karlalandsliðsins í fótbolta eru farnir að bíða eftir fyrsta sigri liðsins í langan tíma. Síðasti sigur karlalandsliðsins í alvöru landsleik kom í 9 október á síðasta ári.
Þá vann liðið 2-0 sigur á Kósóvó og tryggði sér sæti á HM í Rússlandi, þetta var einnig sá leikur þar sem Ísland hélt síðast marki sínu hreinu. Síðan eru liðnir þrettán leikir.
Í kjölfarið komu tveir leikir í Katar þar íslenska liðið tapði fyrir Tékklandi og gerði síðan jafntefli við heimamenn.
Í mars á þessu ári var haldið til Bandaríkjanna þar sem liðið tapaði fyrir Mexíkó og Perú.
Fyrir Heimsmeistaramótið voru svo æfingaleikir gegn Noregi og Ghana, liðið tapaði fyrir Noregi en gerði jafntefli við Ghana.
Á HM í Rússlandi gerði liðið jafntefli við Argentínu en tapaði fyrir Króatíu og Nígeríu.
Eftir HM tók Erik Hamren við liðinu, liðið hefur tapað tvisvar gegn Sviss og einum leik gegn Belgíu. Þá gerði liðið jafntefli við Frakkland.
Í þessum þrettán leikjum hefur liðið fengið á sig 32 mörk, liðið hefur aldrei haldið hreinu. Um er að ræða 2,46 mörk að meðaltali á sig í leik. Þá hefur liðið skorað 12 mörk í leikjunum eða 0,92 mark í leik.
Íslenska landsliðið hefur verið flaggskip íslenskra íþrótta síðustu ár og þarf að finna gamla takta til að komast á Evrópumótið árið 2020 en undankeppni fyrir það hefst í mars.
