Jóhann Berg Guðmundsson, leikmaður íslenska landsliðsins, var svekktur í kvöld eftir 2-1 tap gegn Sviss í Þjóðadeildinni.

Jói Berg segir að klaufamistök hafi kostað íslenska liðið í kvöld en við fengum færi til að skora fleiri mörk.

,,Við fengum fullt af góðum færum eftir að Alfreð skoraði þetta frábæra mark og kom okkur aftur inn í leikinn,“ sagði Jói Berg.

,,Það var fullt af frábærum sénsum þarna en við nýttum þá ekki og töpuðum leiknum sem er gríðarlega svekkjandi.“

,,Mér fannst þeir ekki búa til mikið af færum í dag og þetta voru tvö klaufamörk af okkar hálfu, eitthvað sem við eigum að koma í veg fyrir.“

,,Ef þú gerir mistök á þessu leveli þá er þér refsað og okkur var refsað í dag.“

,,Frammistaðan var nokkuð góð. Síðustu tveir leikir hafa verið töluvert betri en við erum í þessu til að ná í punkta.“