fbpx
433Sport

Er Óli Stefán fyrsti af mörgum sem hættir í Pepsi deildinni?

Hörður Snævar Jónsson
Þriðjudaginn 4. september 2018 14:41

Óli Stefán Flóventsson þjálfari Grindavíkur hefur sagt starfi sínu lausu þegar tímabilið er á enda. Þetta kom fram í gær, Óli íhugaði mikið að hætta með Grindavík eftir síðustu leiktíð.

Hann tók hins vegar slaginn á nýjan leik og hefur gert fína hluti í sumar. Fjölskylda hans býr á Hornafirði og hefur það áhrif á ákvörðun Ólafs.

Nú þegar aðeins þrjár umferðir eru eftir af Pepsi deild karla eru liðin byrjuð að skoða hvað skal gera haust. Þjálfara og leikmannamál eru ofarlega í hausnum hjá stjórnarmönum.

Ekki er ólíklegt að fleiri breytingar verði á þjálfurum í deildinni. Breytingar gætu orðið á þjálfaramálum hjá KA, ÍBV, Víkingi, Fylki, Kefavík ásamt fleiri liðum.

Srdjan Tufegdzic gæti látið af störfum sem þjálfari KA samkvæmt heimildum 433.is. Þá hafa verið sögur á kreiki um að Kristján Guðmundsson muni láta af störfum sem þjálfari ÍBV. Þær sögur hafa reyndar heyrst oftar en aðrar og ekkert verið til í þeim.

Kristján hefur unnið magnað starf í Eyjum, hann gerði liðið að bikarmeisturum í fyrra á sínu fyrsta ári og með mikið breytt lið í ár hefur honum tekist að stýra liðinu frá alvarlegi fallbaráttu. Eitthvað sem Eyjamenn hafa ekki þekkt síðustu ár. Þá er Kristján fyrsti þjálfari ÍBV í fleiri ár sem stoppar í meira en eitt tímabil, eitthvað sem Eyjafólk hefur kallað eftir. Stöðuleiki í þjálfaramálum.

Líkur eru á að Logi Ólafsson hætti sem þjálfari Víkings og þá gæti Helgi Sigurðsson róað á önnur mið úr Árbænum, hann er orðaður við starfið í Víkinni.

Þá tók Eysteinn Húni Hauksson við Keflavík á miðju sumri og hefur ekki náð að snúa við afar slöku gengi liðsins. Það er því ekki víst að hann haldi starfinu.

Þá er Rúnar Kristinsson, þjálfari KR orðaður við starf yfirmanns knattspyrnumála hjá KSÍ. Það verður þó að teljast ólíklegt að hann yfirgefi KR, eftir eitt ár þar sem hann er að reyna að koma liðinu aftur í fremstu röð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Banaslys við Kirkjufell
433Sport
Fyrir 2 dögum

Rúnar: Ég verð áfram þjálfari KR, ekkert vesen

Rúnar: Ég verð áfram þjálfari KR, ekkert vesen
433Sport
Fyrir 2 dögum

Sjáðu markið – Gylfi með fallegt skallamark

Sjáðu markið – Gylfi með fallegt skallamark
433Sport
Fyrir 2 dögum

Sjáðu sturlað mark Zlatan í nótt – Hans 500 á ferlinum

Sjáðu sturlað mark Zlatan í nótt – Hans 500 á ferlinum
433Sport
Fyrir 3 dögum

Rúnar Páll himinlifandi: Þetta er ólýsanlegt

Rúnar Páll himinlifandi: Þetta er ólýsanlegt
433Sport
Fyrir 4 dögum

Hörðustu vinir Rúriks eru ekki sáttir með forsíðuviðtalið við hann – ,,Ég gerði allt sem þau báðu mig um”

Hörðustu vinir Rúriks eru ekki sáttir með forsíðuviðtalið við hann – ,,Ég gerði allt sem þau báðu mig um”
433Sport
Fyrir 4 dögum

Hörmungarbyrjun Hamren – Kemur illa út í samanburði við þjálfara síðustu ára

Hörmungarbyrjun Hamren – Kemur illa út í samanburði við þjálfara síðustu ára