,,Fyrstu kynni af Rússlandi eru mjög góð, framar vonum,“ sagði markahrókurinn, Alfreð Finnbogason fyrir æfingu íslenska landsliðsins í Rússlandi í dag.

Strákarnir okkar hefja leik á Heimsmeistaramótinu á laugardag þegar liðið mætir Argentínu.

Vel fer um strákana okkar sem komu til Rússlands á laugardag og er öll umgjörð fyrsta flokks.

Meira:
Alfreð var undirbúinn undir allt – ,,Ekkert til að kvarta yfir“

Alfreð var fjarverandi í talsverðan tíma í aðdraganda mótsins vegna meiðsla en kom til baka undir lok tímabilsins með Augsburg í Þýskalandi.

Síðan þá hefur hann lagt allt í sölurnar til að vera í sínu besta formi á HM.

,,Ég náði að nýta þennan mánuð hrikalega vel, ég er í því formi sem ég vil vera. Að hafa spilað þessa tvo leiki gefur manni auka, fá leiktíma. Mér líður hrikalega vel að það sé leikur í þessari viku,“ sagði Alfreð um málið í dag.

,,Ég hugasði þetta þannig að ég vildi ekki hugsa til baka eftir HM og sjá hluti sem ég hefi getað gert betur, ég breytti mínum plönum um frí. Til að vera í sem besta standi hér, svo nýtir maður reynsluna. Í að gera ekki of mikið heldur, fékk hvíld. Ég er mjög sáttur með hvernig þetta hefur farið.“