Gylfi Þór Sigurðsson gat spilað 65 mínútur í kvöld er íslenska landsliðið mætti Gana í æfingaleik á Laugardalsvelli.

Gylfi hefur verið að ná sér af meiðslum en viðurkennir að hann hefði viljað fá fleiri mínútur í kvöld.

,,Ég held að ég geti ekki sagt nei við því. Mér leið ágætlega í dag, bara 65 mínútur en þetta gekk vel. Mér líður fínt núna, það hefði verið skemmtilegt að stela 10 mínútum í viðbót en þetta var fínn dagur,“ sagði Gylfi og svaraði því hvort hann gæti spilað 90 mínútur gegn Argentínu.

,,Við töluðum um 60 mínútur, max 70 svo þetta var bara fínt að klára þetta þarna og sem betur fer er ég heill núna þannig kannski hefði eitthvað getað gerst ef ég hefði haldið áfram.“

,,Við vorum mjög góðir í fyrri hálfleik en það svissast við í seinni hálfleik, við hægðum á okkur og hikuðum í öllu og vorum mjög djúpir. Við vorum bara lélegir og spiluðum boltanum illa á milli okkar.“

Nánar er rætt við Gylfa hér fyrir neðan.