Íslenska karlalandsliðið gerði jafntefli við Gana í kvöld en liðin áttust við á Laugardalsvelli í æfingaleik.

Þeir Kári Árnason og Alfreð Finnbogason skoruðu mörk Íslands í 2-2 jafntefli en bæði mörkin komu í fyrri hálfleik.

Gana kom gríðarlega sterkt til leiks í síðari hálfleik og skoraði liðið tvö mörk og 2-2 jafntefli niðurstaðan.

Hér má sjá einkunnirnar úr leiknum.

Hannes Þór Halldórsson 6
Öruggur í því sem hann átti að gera, gat ekkert gert í mörkunum.

Hólmar Örn Eyjólfsson 5
Skilaði sínu hlutverki varnarlega vel en var ekki alltaf í takt sóknarlega. Eðlilega enda alltaf að spila sem miðvörður.

Kári Árnason 5
Mjög öflugur í fyrri hálfleik en gaf eftir í þeim seinni.

Ragnar Sigurðsson 5
Var að spila vel í leiknum en misst einbeitinguna um stund í seinna marki Gana.

Ari Freyr Skúlason 7
Öflugur leikur hjá Ara, hefur mátt þola mikla bekkjarsetu undanfarið en kom sterkur inn í dag.

Jóhann Berg Guðmundsson 8
Er að stimpla sig inn sem næst besti leikmaður liðsins á eftir Gylfa, öruggur á boltann og með frábæra bolta úr föstum leikatriðum.

Gylfi Þór Sigurðsson (´67) 8 – Maður leiksins
Stjarna liðsins stóð undir nafni, allir leikmenn Íslands spila betur með Gylfa innan vallar.

Emil Hallfreðsson 5
Það virðist henta leik Emils betur að spila í þriggja manna en tveggja manna miðju.

Birkir Bjarnason (´76) 8
Gerði virkilega vel í öðru marki Íslands og er mjög öruggur í þessari tveggja manna miðju.

Alfreð Finnbogason (´65) 7
Þefar upp mörkin, Alfreð er okkar besti maður í að skora mörk. Þefaði upp annað markið.

Björn Bergmann Sigurðarson 5
Kröfugur og duglegur en vantaði örlítið að tengja betur í spil liðsins.

Varamenn:

Jón Daði Böðvarsson (´65) 5
Komst ekki í neinn alvöru takt við leikinn.

Rúrik Gíslason (´67) 5
Komst ekki í takt við leikinn.