Úkraínski blaðamaðurinn Ihor Stakh á von á því að týna lífinu ef honum verður gert að snúa aftur til Úkraínu. „Það er stríð í landinu. Kannski verð ég handtekinn og sendur í herinn. Ég á ekki von á að lifa af ef ég þarf að fara þangað aftur. Á Íslandi líður mér eins og heima,“ segir hann í samtali við DV.

Sigrid Foss sem er yfirleitt kölluð Sigga hefur fengið umsókn sína um íslenskan ríkisborgararétt samþykkta hjá Útlendingastofnun. Sigga er frá Noregi en hefur búið á Íslandi síðan árið 1977 og sté nýlega fram og lýsti kröfum stofnunarinnar um að hún sannaði búsetu sína hérlendis á þessu tímabili með því að meðal annars framvísa kvittunum.