Það er ekkert einfalt við inngöngu í Evrópusambandið og upptöku evru. Fleiri en ein hlið er á málinu og slæmt að kjósendur skuli ekki fá nægar upplýsingar, nú þegar það er á þeirra herðum að ákveða næstu skref. Albert Jónsson, fyrrverandi sendiherra og sérfræðingur í alþjóðamálum, er gestur Ólafs Arnarsonar í hlaðvarpi Eyjunnar.

Flestar þjóðir sem gengið hafa í ESB eftir Kalda stríðið hafa gert það til að styrkja lýðræðið og réttarríkið og ná sér upp úr hremmingum Kalda stríðsins og kommúnisma. Því er ekki svo farið með Ísland. Ísland sækist eftir evru en upptaka evru er ekki sjálfgefin þótt ríki gangi í ESB. Uppfylla þarf skilyrði.

Ef þjóðin samþykkir aðildarviðræður við ESB í þjóðaratkvæðagreiðslunni 29. ágúst fara í hönd einstakar viðræður sem ekki er fordæmi fyrir í sögu ESB. Aldrei áður hefur umsóknarþjóð lagt upp með það að markmiði að fá varanlega undanþágu frá frumrétti ESB. Það er hins vegar staðan með Ísland.

Þegar horft er á landakortið er auðvelt að skilja það hvers vegna Bandaríkin hafa áhuga á að verja Ísland. Sagan staðfestir það og líka mikill kjarnorkuvopnaforði Rússa á norðurslóðum. Við þetta bætist að Ísland er hliðið sem Bandaríkjamenn nota inna á norðurslóðir.

Trump passar sig á að allir sem hann velur til starfa hlýði honum. Svo var ekki á fyrra kjörtímabili hans. Bandaríkin hafa lengi verið að breytast og stórir hópar í miðríkjunum og suðrinu hafa einfaldlega orðið út undan. Það er þetta fólk sem kaus Trump. Hann hefur svo hreinlega beygt allt bandaríska stjórnkerfið undir sig.

Það er alls ekkert allt að fara til fjandans í heiminum þó að mikið gangi á með stríðum og hörmungum. Tækniframfarir geta verið lykillinn að því að leysa það sem í dag virðist óleysanleg vandamál. Gervigreindin getur t.d. komið að miklu gagni í baráttunni við loftslagsvandann.

Rússar eru ekki alvöru stórveldi, þeir eru bara að reyna að verða stórveldi. Mikið vantar upp á á nærri öllum sviðum. Efnahagslega eru þeir veikir. Hernaðarlega eru þeir veikir, eins og stríðið í Úkraínu sýnir glögglega. Þeir búa hins vegar yfir miklum fjölda kjarnorkuvopna.