Sebastian Haller lét svo sannarlega til sín taka í Afríkukeppninni sem lauk í gær en hans landslið, Fílabeinsströndin, fagnaði sigri í mótinu.

Keppnin fór einmitt fram í Fílabeinsströndinni en liðið vann Nígeríu í úrslitaleiknum með tveimur mörkum gegn einu.

Fílabeinsströndin var að vinna í þriðja sinn í sögunbni en Haller skoraði sigurmarkið í seinni hálfleik.

Saga Haller er merkileg en fyrir tæplega tveimur árum síðan greindist hann með eistnakrabbamein og gat ekki spilað fótbolta í dágóðan tíma.

Endurkoman hefur svo sannarlega verið stórkostleg en Haller er í dag leikmaður Borussia Dortmund í Þýskalandi.

Haller sigraðist á krabbameininu og varð þjóðhetja í kjölfarið þó að tímabil hans með Dortmund í vetur hafi ekki verið stórkostlegt.