Twitter-reikningurinn vinsæli The Upshot segir gjarnan furðulegar sögur úr heimi íþrótta sem hafa átt sér stað í gegnum tíðina.
Það er engin breyting þar á með nýjustu söguna á reikningnum. Er hún af Manchester United-goðsögninni Eric Cantona.
Wilson nokkur tjáði sig við The Upshot og heldur því fram að hann og félagar hans hafi átt í stóreinkennilegum samskiptum við Cantona.
Þess ber að geta að atvikið á að hafa átt sér stað skömmu áður en leikmaðurinn hlaut átta mánaða bann frá fótbolta fyrir að sparka í áhorfanda í miðjum leik árið 1995.
„Vaktstjórinn minn var að fagna afmæli sínu á fínu veitingahúsi í Manchester. Við kláruðum matinn okkar og þá kom stór afmælisterta á borðið, við fengum okkur allir bita,“ segir Wilson.
„Þá kom Eric Cantona inn með konu með sér og lífvörð. Þau settust svona fimm metrum frá okkur á lítið borð. Eftir að þau settust niður tók félagi minn, Ches, upp bita af kökunni, hnoðaði hana í bolta og kastaði í Cantona. Hann hitti hann í öxlina.
Cantona stóð strax upp og benti á okkur. Það voru þrír drengir hlæjandi en einn (ég) skíthræddur. Hann kom að borðinu okkar með kökuboltann í hönd. Hann tróð höfði bróður míns ofan í kökuna hans, tók hann aftur upp og tróð kökuboltanum í andlitið á honum.“
Síðan segir Wilson að Cantona hafi einfaldlega gengið aftur að borði sínu og fengið sér sæti.
„Ég sá til þess að við fórum skömmu síðar. Nokkrum dögum, eftir að kung fu-atvikið (sem Cantona fór í bann fyrir) hafði átt sér stað hringdi bróðir minn í mig og sagði: „Ég held að ég hafi sloppið vel.“
Eric Cantona's kung-fu kick is one of the great Premier League meltdowns.
But that wasn't the only time the volatile French striker attacked an English fan.
Just a few days earlier, all hell broke loose in a Manchester restaurant… pic.twitter.com/FkifU6nt4s
— The Upshot (@UpshotTowers) February 1, 2023
