Stórveldið Valur mætir til leiks í efstu deild karla með eitt best mannaða lið sem sést hefur í íslenskum fótbolta.
Eftir vonbrigða tímabil í fyrra hefur verið blásið í herlúðra á Hlíðarenda og margir öflugir leikmenn skrifað undir hjá félaginu á síðustu vikum.
Nú síðast var það Hólmar Örn Eyjólfsson sem mættur er heim eftir 14 ár í atvinnumennsku en Hólmar er 31 árs gamall. Þá er Valur einnig að semja við Jesper Juelsgård sem er danskur varnarmaður en frá þessu hefur Fótbolt.net og Dr. Football greint.
Juelsgård er örfættur og getur spilað bæði sem varnar og miðjumaður. Möguleiki er á því að Heimir Guðjónsson spili 3-5-2 kerfið með Val í sumar en þar gæti Juelsgård notið sín vel. Juelsgård er 33 ára gamall og á að baki tvo A-landsleiki fyrir Dani.
Valur hafði áður samið við Aron Jóhannsson sem er sagður einn launahæsti leikmaður í sögu íslenska fótboltans, þá kom Ágúst Eðvald Hlynsson á láni frá Horsens.
Valur hefur einnig fengið Orra Hrafn Kjartansson frá Fylki og Heiðar Ægisson frá Stjörnunni. Þá tekur Guy Smit stöðuna í markinu en hann kom frá Leikni. Valsmenn létu Hannes Þór Halldórsson fara en ekki er vitað hvað hann tekur sér fyrir hendur. Þá fór einn besti leikmaður liðsins á síðustu árum, Kristinn Freyr Sigurðsson, í FH
Breiddin í hópi Vals er ótrúleg en hér að neðan má sjá tvær mögulegar útgáfur af byrjunarliði Vals og þá sem verða þá utan byrjunarliðs.
Mögulegt byrjunarlið Vals í 4-3-3 kerfinu:
Guy Smit
Birkir Már Sævarsson
Rasmus Christansen
Hólmar Örn Eyjólfsson
Jesper Juelsgård
Sebastian Hedlund
Ágúst Eðvald Hlynsson
Aron Jóhannsson
Guðmundur Andri Tryggvason
Patrick Pedersen
Tryggvi Hrafn Haraldsson
Mögulegt byrjunarlið Vals í 3-5-2 kerfinu:
Guy Smit
Sebastian Hedlund
Hólmar Örn Eyjólfsson
Jesper Juelsgård
Birkir Már Sævarsson
Haukur Páll Sigurðsson
Orri Hrafn Kjartansson
Ágúst Eðvald Hlynsson
Sigurður Egill Lárusson
Patrick Pedersen
Aron Jóhannsson
Utan mögulegs byrjunarliðs:
Heiðar Ægisson
Birkir Heimisson
Orri Sigurður Ómarsson
Arnór Smárason
Andri Adolphsson
Almarr Ormarsson
Sverrir Páll Hjaltested
