Crystal Palace tók á móti Brighton í lokaleik 6. umferðar ensku úrvalsdeildarinnar í kvöld.
Brighton hefur farið firnavel af stað á tímabilinu og hefði getað komist á toppinn með sigri í kvöld.
Það var hins vegar Crystal Palace sem fór betur af stað í leiknum og Wilfried Zaha kom heimamönnum yfir með marki úr vítaspyrnu undir lok fyrri hálfleiks eftir að Leandro Trossard felldi Conor Gallagher í teignum.
Crystal Palace var betri aðilinn í seinni hálfleik en Neil Maupa bjargaði stigi fyrir heimamenn á fimmtu mínútu uppbótartíma þegar hann afgreiddi boltann snyrtilega í netið eftir slæm mistök Vicente Guaita, markvarðar Palace.
Brighton er í 6. sæti með 13 stig, einu stigi á eftir Liverpool á toppnum. Crystal Palace er í 15. sæti með 6 stig.
