Það stefnir í algjöra brunaútsölu hjá Barcelona í sumar en í heildina er félagið tilbúið að selja 18 leikmenn sem eru í aðaliðshópi félagsins.
Philippe Coutinho er efstur á blaði en Börsungar vilja losna við manninn sem þeir borguðu 142 milljónir punda fyrir. Kaupverðið yrði ekki meira en 40 milljónir punda í dag.
Barcelona skuldar tæpar 900 milljónir punda og þarf að reyna að greiða þær skuldir niður. Antoine Griezmann er einnig til sölu ef rétt tilboð kemur, fyrir hann er hægt að fá gott verð.
Miralem Pjanic sem kostaði Börsunga 60 milljónir punda fyrir ári síðan er til sölu, það er talið öruggt að hann fari í sumar.
Samuel Umtiti er á sölulista en óvíst er hvort eitthvað félagið kaupi hann, varnarmaðurinn hefur mikið verið meiddur. Junior Firpo, Martin Braithwaite og Matheus Fernandes eru allir til sölu sem og markvörðurinn Neto.
Jordi Alba, Sergi Roberto og Clement Lenglet eru ekki lykilmenn í bókum Börsunga og geta farið fyrir rétta upphæð.
Sömu sögu má segja um Ousmane Dembele, Sergino Dest, Gerard Pique, Riqui Puig, Francisco Trincao og Emerson Royal sem allir gætu farið fyrir rétta upphæð.