Lést á sjúkrahúsi í Pittsburgh í gær
Arnold Palmer, einn virtasti kylfingur sögunnar er látinn 87 ára að aldri. Palmer lést á sjúkrahúsi í Pittsburgh í gær þar sem hann var í hjartarannsóknum.
Á golfferli sínum vann Palmer yfir 90 golfmót. Þar á meðal 7 stórmót. Í umfjöllun BBC um Palmer segir meðal annars að hann hafi verið einn þeirra sem kom íþróttinni á kortið.
Palmer var oftar en ekki kallaður sendiherra golfsins og réði lögum og lofum í íþróttinni á sjöunda áratugnum þegar hann vann hvert stórmótið á fætur öðru.