June Shannon, betur þekkt sem Mama June, mamman úr raunveruleikaþáttunum Here Comes Honey Boo Boo og Mama June: From Not to Hot, þjáist af dularfullu læknisfræðilegu vandamáli sem „gæti gert hana ófæra um hreyfingar“.

„Ég fór óvænt í algjört legnám í fyrra  í apríl síðastliðnum,“ útskýrði raunveruleikastjarnan fyrir Evan Real og Danny Murphy, þáttastjórnendum Virtual Reali-Tea. „Það var ógnvekjandi fyrir mig því ég var með nokkrar vöðvabólgur sem fóru í aðskildar blöðrur og við vorum smá hrædd.“

Segir Shannon stöðuna hafa verið enn erfiðari þar sem dóttir hennar Anna Cardwell lést 29 ára  í desember 2023 eftir baráttu við krabbamein.

„Ég, í huganum, þegar ég gekk í gegnum það sem Anna gekk í gegnum, var ég hrædd um að þetta yrði eggjastokkakrabbamein. Ég sagði meira að segja börnunum mínum það. Ég ofhugsaði þetta lengi.“

Mama June sem sagðist vera að ganga í gegnum tíðahvörf bætti við að hún „væri enn að glíma við heilsufarsleg vandamál“ en útskýrði að vandamálin væru ekki hluti af tíðahvörfunum.

„Sumir dagar eru barátta fyrir mig, en það er alls ekki eins og krabbamein. Ég segi fólki: ,Við vitum að þetta mun aldrei drepa mig, en það gæti gert mig óvirka.’“

Þótt nákvæm heilsufarsvandamál hennar séu enn óljós á þessum tímapunkti, þá er Mama June jákvæð, eins og hún hefur alltaf gert þegar hún hefur veitt aðdáendum uppfærslur um heilsufarsvandamál sín í fortíðinni.

Árið 2016 fór hún í magaermiaðgerð til að léttast en játaði síðar í apríl 2024 að hún hefði þyngst um 60 kíló. Í júní sama ár greindi hún frá því að hún  hefði misst 15 kíló á aðeins tveimur mánuðum eftir að hún byrjaði að taka megrunarlyf.

Í júlí 2025 var hún flutt á sjúkrahús eftir að spámaður varaði hana við „hjartaáfalli“ við tökur á Mama June: Family Crisis.

Í viðtalinu á þriðjudaginn var Mama June í fylgd með dætrunum Lauryn Efird, Alana Thompson og Jessica Shannon. Fjölskyldan lýsti því hvernig þeim hefur tekist að takast á við hörmulegt fráfall Önnu fyrir tveimur árum.

„Ég held klárlega að sumir dagar séu betri en aðrir, ef ég á að vera alveg heiðarleg,“ sagði Efird. „Ég stend mig enn að því, stundum seint á kvöldin ef ég er að skrolla á TikTok, að fara á síðu Önnu og horfa á gömlu myndböndin hennar.“