Sölustjórinn Paul Knight, 36 ára, játaði fyrir dómi að hafa myrt eiginkonu sína, Isobellu Knight, á heimili hjónanna í Northamptonskíri á Englandi. Paul kyrkti Isobellu með berum höndum á meðan tvær dætur hjónanna sváfu í rúmum sínum.
Morguninn eftir bað hann móður sína um að hafa dæturnar hjá sér þar sem hann og Isobela væru veik. Eftir að móðir hans hafði sótt dæturnar gerði hann nokkrar misheppnaðar tilraunir til að svipta sig lífi.
Hann lenti skömmu síðar í umferðaróhappi og þar þótti lögreglumönnum framkoma hans svo sérkennileg að þeir ákváðu að rannsaka heimili hans. Við þá leit fannst líkið af Isobellu og Paul var handtekinn og ákærður fyrir morð.
Krufning leiddi í ljós að dánaorsök Isobellu hafði verið þrýstingur á háls hennar.
Isobella Knight þótti vera ákaflega blíðlynd og elskuleg kona. Hún var virk í kirkjustarfi og var mjög vinsæl í söfnuðinum. Hún þótti líka vera frábær mamma.
Nágrannar vitna um að hjónin hafi oft rifist á kvöldin og helsta orsök ágreinings þeirra virtist vera afbrýðisemi Pauls.
Paul Knight hefur verið sakfelldur fyrir morðið á eiginkonu sinni en refsing yfir honum verður ákveðin í lok mánaðarins.
Sjá nánar á Daily Mail.
