Þegar kemur að myrkfælni þá er enginn munur á okkur mannfólkinu og hundum. Hundar geta sem sagt verið myrkfælnir og eru því lítt hrifnir af dimmum svæðum og umhverfi.

Mest áberandi merkið um myrkfælni hjá hundi er að hann vælir og leitast í að vera nálægt fólki þegar hann er í myrkri.

Það er hægt að hjálpa hundinum til að hann verði fær um að þola myrkrið, bæði heima við og utan heimilisins.

Fyrst þarf að finna ástæðuna fyrir myrkfælninni. Það er auðvitað misjafnt hvað veldur henni. Næturmyrkrið getur kveikt hana hjá sumum hundum en hjá öðrum eru það framandi aðstæður, til dæmis í göngum, sem kveikja myrkfælnina.

Óháð því hversu mikið myrkfælnin leggst á hundinn þinn, þá þarftu alltaf að sýna honum ást, skilning og hlýju. Þetta á einnig við á nóttinni.

Þeim mun meira sem þú veist um hegðun hundsins þíns, þeim mun auðveldara er að hjálpa honum. Þú getur byrjað á að búa til öruggt og gott svefnumhverfi fyrir hann í öðru herbergi. Gott er að velja stað sem er nærri þér eða öðrum í fjölskyldunni og það getur verið gott að láta svefnstað hundsins vera nærri hitagjafa. Það róar andlega varnarstöðu hans og myrkrið fer ekki eins illa í hann andlega.

Það geta verið tengsl á milli myrkurs og lokaðra dyra sem kveikja myrkfælnina. Það er því kannski ráð að loka dyrunum inn í svefnherbergið ekki alveg. Þá finnst hundinum hann ekki vera einn.