Í fyrsta sinn í sögunni hefur holdétandi sníkjudýr fundist í manneskju í Bandaríkjunum. Þetta er ormur sem étur nautgripi og önnur dýr, með heitt blóð, lifandi. Faraldurinn hófst í Mið-Ameríku og suðurhluta Mexíkó seint á síðasta ári og hefur nú borist til Bandaríkjanna.

Ormurinn verður hýsil sínum að bana ef engin meðferð er veitt.

Hann fannst í manneskju í Maryland en hún var nýkomin frá Gvatemala.

Reuters hefur eftir Beth Thompson, yfirdýralækni ríkisins, að henni hafi verið tilkynnt um málið í síðustu viku.

Sjúklingurinn fékk viðeigandi meðferð og viðeigandi varúðarráðstafanir voru gerðar að sögn Sky News.

Kvenormurinn verpir eggjum í sár á dýrum með heitt blóð og þegar þau klekjast út, byrja mörg hundruð lifrur að éta sig í gegnum holdið með öflugum munni sínum.