Flestir hugsa eflaust ekki út í það að í hvert sinn sem þeir slá eitthvað inn í leitarstrenginn hjá Google, þá skrifa þeir um leið einhverskonar dagbók.  Dagbók sem þeir deila með einu stærsta tæknifyrirtæki heims.

Það skiptir engu hvort leitað er að uppskriftum, sjúkdómseinkennum eða fréttum. Allt er þetta skráð og upplýsingarnar geymdar. Ekki bara í tölvunni eða símanum þínum, heldur einnig á netþjónum Google.

Þessar leitir eru ekki bara hentugar styttri leiðir að upplýsingum, þær eru einnig verðmætar fyrir auglýsendur. Þeim mun meira sem þú leitar, skoðar og eyðir tíma í að skoða, þeim mun betur þekkja algórytmarnir þig.

Teksiden segir að það þýði síðan fleiri auglýsingar, sem er beint markvisst að hverjum og einum, og einnig meira eftirlit, fleiri skráningar og minna stafrænt frelsi.

Android-símar, sem flestir Google-notendur nota, eru sérstaklega viðkvæmir fyrir miklu gagnamagni. Leitarsaga, sem byggist upp á mörgum mánuðum og/eða árum, getur að lokum gert stýrikerfið mjög hægvirkt.

Með því að eyða leitarsögunni er verið að geta nánast það sama og þegar tekið er til í geymslunni. Það losnar um pláss og kerfið virkar betur og hraðar.

Það er hægt að eyða leitarsögunni handvirkt í gegnum stillingar hjá Google og það er líka hægt að láta þær eyðast sjálfkrafa á nokkurra mánaða fresti. Það ætti að veita þér meiri stjórn yfir þínum eigin upplýsingum og jafnvel meiri hugarró.

Síðan er rétt að spyrja sig hvort þú hafi þörf fyrir að Google muni allt?